النكت المصرية

إطلاق النكات من الأشياء المحببة لدى الشعب المصري، الذي يمتاز بالمرح وحب الضحك والكوميديا، لذلك امتازت النكت المصرية بالمرح الشديد، في هذا المقال نختار أجمل النكت المصرية ونعرضها على القراء الأعزاء ليتبادلوها عبر مواقع التواصل الاجتماعي فيما بينهم، ولتجعل يومهم أكثر مرحاً وبهجة وسعادة،
فهيا بنا نتعرف على أجمل هذه النكات من خلال النقاط التالية:

• في واحد راح يستقبل ابن عمه في المطار المهم وهم راجعين من المطار بيسأله: انت بقا لك عشر سنين في أمريكا… كنت بتدرس ايه؟ رد عليه ابن عمه: كنت بدرس علم المنطق قاله: ايه هو علم المنطق؟ رد عليه: صعب اللي درسته فى عشر سنوات اشرحهولك فى ساعة بس انا هاديك مثال على المنطق. قاله: أوكي سأله أبو المنطق: انتوا عندكم كلب في البيت صح؟ رد عليه: أيوة عندنا قاله: ادام عندكم كلب أكيد عاملين له بيت فى الحوش رد عليه: صح عاملين قاله: ما دام انه عندكم حوش اكيد انكم عايشين في فيلا رد عليه: صح إحنا عايشين في فيلا مدام انكم عايشين في فيلا أكيد أبوك غني رد عليه: صح أبويا غني قاله: مدام ابوك غني أكيد امك تقعد في البيت يعنى مش محتاجه تشتغل رقاصة عشان تجيب فلوس رد عليه: صحيح أمي قاعدة في البيت قاله: هذا هو المنطق، إنك تبني شيء على شيء من وجود الكلب في بيتكم استنتجنا إنه أمك مش رقاصة ردعليه :ياااااااااااا هو ده المنطق؟ المهم …. صاحبنا راح عند صحابه باليل وحب يتفلسف عليهم وسألهم يا شباب تعرفون ايه هو المنطق ؟ رد واحد لا والله ما نعرفش قال: أنا اقلكم ، سأل صاحبه: انتوا عندكم كلب في البيت ؟ رد عليه صاحبه : لا ما عندناش ، قاله: تبقى أمك رقاصة
  
• واحد معاه عربية قديمة وعاوز يبيعها ومش عارف، فصاحبه قاله حط عليها علامة مرسيدس وهى تتباع فورا، راح عمل كدا بعد اسبوع صاحبه بيسأله بعت العربية ولا لا، قاله انت عبيط حد يبيع عربية مرسيدس.
  
• واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى.
  
• واحد غبى بيحلق دقنه التليفون رن عور نفسه علشان لما يرجع يعرف هو وقف لحد فين
  
• اتنين مساطيل حبوا يسرقوا عمارة فقالوا لبعض احنا ناخد العمارة بعيد ونسرقها برحتنا، فقلعوا الهدوم وقعدوا يزقوا فى العمارة يزقوا، جه واحد من وراهم وسرق الهدوم، فواحد منهم بص ورا ملقاش الهدوم فقال له كفاية كدة احنا بعدنا اوى.
  
• سألوا واحد محشش: مين أهم الشمس ولا القمر رد: القمر طبعا، بيطلع ينور لنا بالليل و الدنيا ضلمة، انما الشمس بتطلع بالنهار والدنيا نور أصلا.
  
• الطفل: ماما عاوز أشرب الأم: بطبخ، قوم هات لنفسك تشرب الطفل: بتفرج على التلفزيون، هاتيلي أشرب وارجعي تاني المطبخ الأم: و بعدين بقي معاك، هاجي اضربك الطفل: طيب وإنت جاية تضربيني هاتيلى معاكي أشرب
  
• مرة طالب هندسة دخل امتحان شفوى
  

فالدكتور بيسأله: بتركب إيه وانت جاى الكلية الصبح ؟؟
الطالب: بركب الأتوبيس الدكتور قاله: حلو أوي.. لو الدنيا حر في الأتوبيس هتعمل ايه ؟؟

الطالب: هفتح الشباك
الدكتور: جميل احسبلى بقا كميه الهوا اللى داخل الأتوبيس وهو ماشي على سرعة 60 كيلومتر في الثانية طبعا الواد معرفش والدكتور سقطه بالمادة .. فهو خارج قابل واحد صاحبه فقاله على السؤال ودخل للدكتور بعده الدكتور للطالب التاني: بتيجى الكلية بإيه الصبح ؟؟
الطالب : بعربيتى
الدكتور : طب لو عطلانه ؟؟
الطالب : بكلم صاحبى ييجى ياخدنى بعربيته
الدكتور : طب لو مش موجود؟
الطالب: بخلى بابا يوصلنى الدكتور : طب لو وراه شغل
الطالب : بركب تاكسى وخلاص
الدكتور : طب لو ملقيتش تاكسيات ؟؟
الطالب: بركب الأتوبيس وامرى لله .. هو يسترها بقا من عنده
الدكتور : حلو اووووى .. لو الدنيا حر في الاتوبيس هتعمل ايه ؟
الطالب : هقلع الجاكيت
الدكتور : طب لو حر اووووى ؟؟
الطالب : هفتح زراير القميص الدكتور : طب لو حر جدا جدأ
الطالب : هقلع القميص
الدكتور : قاله طب لو مش قادر تستحمل وخلاص هيغمى عليك وقدامك شباك ؟
الطالب : بص بقا انا ممكن اقلع أي حاجة بس ما افتحش شباك الاتوبيس

• واحد فتح محل فراخ في مصر، جاله مفتش التموين وسأله بتأكل الفراخ إيه يا جحا؟ قاله رز قاله المفتش مصيبتك سودا هو حد لاقي الرز؟ غرامة 100 جنيه تاني يوم، رجع سأله: بتأكل الفراخ إيه يا جحا؟ قاله قمح قاله المفتش مصيبتك سودا هو حد لاقي القمح؟ غرامة 100 جنيه ثالث يوم، بتأكل الفراخ إيه يا جحا؟ قاله ذرة قاله المفتش مصيبتك سودا هو حد لاقي الذرة ؟غرامة 100 جنيه رابع يوم، بتأكل الفراخ إيه يا جحا؟ قاله بدى كل فرخة جنيه وهي تاكل اللى هى عايزاه
  
• محشش يسأل محشش تتوقع الجمعة يوافق آخر الشهر؟ رد عليه: لو ضغطنا عليه يمكن يوافق.
  
• محشش سأل صاحبه المحشش: إيه اخبار أبوك؟ بعدين افتكر ان أبوه ميت فكمل بسرعة: لسه في نفس التربة؟
  
• مسطول دخل محل بقالة وخرج يضحك، سألوه بتضحك ليه قال لهم عطيته جنيه وما اشتريت شيء.
  
• عجوزة خيروها بين الحج و الجواز ..‏ وطت راسها مكسوفة وقالت ‏:‏ هي مكة هاتطير.
  

كانت هذه أجمل وأحدث النكات المصرية، قدمناها لكم في هذا المقال من أجل البسمة والبهجة والسعادة في يومكم مما يجعل يومكم مليء بالأمل والتفاؤل.

بواسطة: Asmaa Majeed